Navili (Milan)

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

I Navili inn un sistema de canai fad de l'om per daquà e che se poden navigà che inn incentrad in su Milan e che trann insema el lagh Magior, el lagh de Com e 'l bass Tisin, inscì de conligà la cità ai vie d'aqua de l'Europa centro-setentrional, a travers de la Svizzera, e a l'Adriategh a travers del Pò.

Doperad per daquà sgiamò del secol quell de des, inn stad fad su 'me canai navigabel in tra el secol XII e 'l secol XIX, e 'l so center l'era la sercia di Navili, el Navili interno de Milan arent ai mure medievai, che incoeu l'è stada quatada e mituda sota terra.

I Navili inn el Navili Grand, el Navili de Pavia, el Navili de la Martesana, el Navili de Paderno, el Navili de Bereguard e 'l Naviliasc: un temp gh'era anca la sercia di Navili, el Navili de San March e 'l Navili Vallon. La conca pussee important a l'è la Darsena, ma se poden tirà a man anca la Conca Fallada e la Concheta, un temp gh'era anca el laghet de San March, quell de San Steven, el port roman e la conca del Vallon.